«Әскер барысы – 2026» турнирінің жеңімпазы анықталды

Алматыда әскери қызметшілер арасында қазақ күресінен «Әскер барысы – 2026» атағына арналған іріктеу турнирі аяқталды. Жарыс елдің күштік құрылымдарының ең мықты өкілдерінің басын қосты, деп хабарлайды Orda.kz.      

Турнирді қорғаныс министрлігінің спорт комитеті – Орталық армия спорт клубы ұйымдастырды.

Татамиге бұл жолы 18 үздік әскери спортшы шықты.

Жарыстың мақсаты – әскери қызметшілер арасында қазақ күресін насихаттау, жеке құрамның дене дайындығын арттыру, жауынгерлік рухты нығайту, сондай-ақ әскери-қолданбалы спорт түрлерін дамыту.

Тартысты бәсекенің қорытындысы бойынша жеңімпаздар анықталды:

• Бірінші орынды ефрейтор Айдар Бескемпір (ҚР ҚМ Спорт комитеті – Орталық армия спорт клубы) иеленді;
• Екінші орын сержант Әділ Оразбаевқа (ҚР ҚМ Спорт комитеті – Орталық армия спорт клубы) бұйырды;
• Үшінші орынды майор Жәнібек Дүйсембаев (Ішкі істер министрлігі) алды.
   
   
   Оқи отырыңыз:
•  «Қазақстан барысы – 2025»: Еліміздің ең мықты – балуаны әскери қызметші 
• Тоқаев UAE SWAT Challenge-2026 турнирі жеңімпаздарын марапаттады
• Тоқаев Анталиядағы дипломатиялық форумда не айтты?