Алтын іздегендер жер қопаруды қояр емес – ҚМА ауқымды арнайы операцияны көрсетті

Қаржылық мониторинг агенттігі Абай облысы  Жарма ауданы аумағында бағалы металдарды заңсыз өндіру қызметінің жолын кесті. Ведомство ауқымды арнайы операцияның видеосын жариялады, деп хабарлайды Orda.kz.

Жедел-іздестіру іс-шаралары барысында барлау жүргізіліп, заңсыз өндіру жүзеге асырылған үш учаске анықталды.

«Заңсыз қызмет жасағандар топырақ жамылғысын қопарып тастаған, оның ішінде құнарлы қабатқа да зиян келген. Опереция барысында алтын түстес металл, жууға арналған жабдықтар, арнайы техника және автокөліктер тәркіленді»,  деп хабарлады агенттік. 

Қазіргі уақытта іске қатысы бар барлық тұлғалар, заңсыз өндірілген бағалы металдардың көлемі және келтірілген залал мөлшері анықталуда. Тергеу жалғасып жатыр.

Ведомствоның мәліметінше, ҚР ҚПК-нің 201-бабына сәйкес өзге ақпарат жария етуге жатпайды.

Оқи отырыңыз:

• Бестөбе кенішіндегі шахтадан алтын іздеген тағы екі адам қаза болды
• Алматыда жастар пышақтасып, екі жасөспірім қаза тапты
• Ұрланған жәдігер көп жылдардан кейін Мысырға қайтарылды