Бестөбе кенішіндегі шахтадан алтын іздеген тағы екі адам қаза болды

Ақмола облысы Бестөбе кентіндегі жұмыс істемейтін шахтаның кен үйінділері астынан екі адамның мәйіті табылды. Алдын ала мәліметтер бойынша, қайғылы оқиға заңсыз алтын іздеу әрекеті кезінде болған, деп хабарлайды Orda.kz.       

Соңғы кездері Бестөбе кентіндегі жұмыс істемейтін шахталарда (әсіресе «Новая» кенішінде) алтынды заңсыз жолмен іздеушілердің қаза табуы немесе жарақат алуына байланысты қайғылы оқиғалар жиілеп кетті.

Ақмола облысындағы Бестөбе кенішіндегі шахтада опырылып түскен тау-кен жынысы басып қалған 38 және 21 жастағы екі ер адам мерт болған.

Алдын ала мәлімет бойынша 19 мамырда болған, шахтаға заңсыз кірген екі адамды тереңде тас басып қалған деп жазды. Құтқарушылар оларға шамамен бір жарым шақырым жүріп жетіп, жер бетіне алып шыққан, бірақ екеуінің де олар келгенше қайтыс болы кеткені белгілі болды.

Бұл екі азамат Солтүстік Қазақстан облысынан келген болуы мүмкін деген болжам бар.

Қауіпті жағдайларға, бірнеше рет ескертулерге, тұрақты суық ауа райына қарамастан заңсыз алтын іздеушілер өмірлерін қатерге тігіп, шахтаға түсулерін қоймай отыр. Компания шахтаға заңсыз түсуден бас тартуға шақырып, шахтадан алтын іздеушілерді осындай қауіп-қатерге ұрынуы мүмкін екенін бірнеше рет ескерткен болатын. 

Оқи отырыңыз:

• Шымкенттік түлек шетелдің 90 жоғарғы оқу орнынан шақырту алды
• Алматыда BRT құрылысы тоқтатыла тұрып, LRT жобасы жүзеге асырылады