Алматының 34 жастағы тұрғыны өгей әкесін пышақтап тастады

Алматыда отбасылық жанжал адам өлімімен аяқталды. Қайғылы оқиға Алматы қаласының Алмалы ауданындағы Брусиловский көшесінде орналасқан тұрғын үйлердің біріндегі пәтерде түнгі сағат үш шамасында болған, деп хабарлайды Orda.kz.       

Пышақ жарақаты туралы хабарлама түскеннен кейін оқиға орнына полиция қызметкерлері мен жедел жәрдем бригадасы келді. Дәрігерлер 59 жастағы ер адамның өмірін сақтап қалуға тырысқанымен, ол көптеген пышақ жарақаты мен көп қан жоғалтудың салдарынан көз жұмды.

Жедел іздестіру шаралары барысында полиция күдіктіні қолға түсірді. Тергеу мәліметінше, ол марқұмның 34 жастағы өгей ұлы болып шыққан. Алдын ала анықталғандай, отбасылық жанжал кезінде ол өгей әкесіне асүй пышағымен бірнеше рет соққы жасаған.

Бұл туралы 6 шілде күні қалалық полиция департаменті өзінің Instagram-дағы парақшасында хабарлады.

Ведомствоның баспасөз қызметінің хабарлауынша, бір күн бұрын түнгі сағат үште 102 арнасына Алмалы ауданындағы Брусиловский көшесіндегі үйдің пәтерлерінің біріндегі жанжал туралы хабарлама келіп түскен. Оқиға орнына полиция қызметкерлері мен жедел медициналық жәрдем бригадасы жетті.

Дәрігерлердің күш-жігеріне қарамастан 59 жастағы ер адам көптеген пышақ жарақаты мен көп қан жоғалтудан қайтыс болды.

«Алмалы ауданы полицейлері жедел іздестіру арқылы күдіктіні ұстады. Ол марқұмның 34 жасар өгей баласы болып шықты. Алдын ала мәлімет бойынша, отбасылық жанжал кезінде ол адамға ас үй пышағымен бірнеше рет соққы берген. Оқиғаның бір нұсқасы ретінде күдікті жанжалдың анасымен арадағы ұрыстан кейін туындағанын атап өтті. Бұл жағдайлар тергеу барысында мұқият тексеріледі» деп жазылған хабарламада. 

Оқиғаның барлық мән-жайын тергеушілер анықтап жатыр.

Аталған факті бойынша адам өлтіру бабы бойынша қылмыстық іс қозғалды. Күдікті уақытша ұстау изоляторына қамалды. Тергеу жалғасуда.

Оқи отырыңыз:

• Үш күнде 2400-ден астам жасөспірім полицияға жеткізілді — себебі не?
• ӘЧ-2026: Биылғы чемпионаттағы он қызықты дерек
• Австралия премьері Кайли Миноугпен «төсектес болу» туралы қалжыңдаймын деп, басы дауға қалды