Алматыдағы балалар ауруханасында қызметкер мен науқастың анасы төбелесті: Полиция тергеу бастады

31 мамырға қараған түні Алматыдағы Балалар жұқпалы аурулар ауруханасында мекеме қызметкері мен науқастың анасы төбелесіп қалғаны туралы оқиғаның видеосы әлеуметтік желіде тарады, деп хабарлайды Orda.kz.       

Бейнежазбадан қолына бала ұстаған әйелдің аурухана маманымен  сөзге келіп қалғанын көруге болады. Артынша екеуі жаға жыртысып кеткен. Дәліздегі адамдар оларды ажыратуға тырысқан, дегенмен жанжал қайта ушыға түскен.

Алматы қаласы полиция департаментінің баспасөз қызметі  оқиғаға қатысты түсініктеме берді. Осы факті бойынша Алатау ауданы ІІБ жанындағы полиция бөлімі тергеу жұмыстарын бастаған.

«Оқыс оқиғаның барлық мән-жайлары мұқият зерттеледі, тараптардың әрқайсысының іс-қимылына Қазақстан Республикасының заңнамасына сәйкес объективті құқықтық баға берілетін болады» деп жазылған хабарламада. 

Екі тарап та полицияға өтініш жасағаны белгілі болды.

Алматы қалалық полиция департаменті екі тараптың да бір-бірінің үстінен арыз жазғанын мәлімдеді. Қазір бұл факті бойынша тергеу жүріп жатыр. Құқық қорғаушылар тұрғындарды қоғамдық орындарда дауласпай, мәселені тек заң аясында шешуге шақырды.

Оқи отырыңыз:

• Жаңа Конституцияның қабылдануына орай кімдер қылмыстық және әкімшілік амнистияға ілігуі мүмкін?
• Bloomberg басылымы Қазақстанды өңірдегі цифрландыру көшбасшысы деп атады
• Жетісу облысы тұрғындарының қарсылығынан кейін құны 30 миллиард теңгелік жоба іске аспады