Алматыда жеңіс күні мерекесіне орай жол қозғалысы уақытша шектеледі

2026 жылғы 9 мамырда Алматыда әдеттегідей жеңістің 81 жылдығына арналған «Батырларға тағзым» еске алу акциясы өтеді, деп хабарлайды Orda.kz.        

Осыған байланысты күннің бірінші жартысында кейбір көшелерде көлік қозғалысына шектеу енгізіледі.

Полицияның мәліметінше, сағат 09:00-ден 11:00-ге дейін Гоголь көшесінде — Қонаев көшесінен Бұзырбаев көшесіне дейін шығыс бағытында қозғалыс шектеледі.

Сонымен қатар, сағат 09:30-дан 12:00-ге дейін Жібек жолы — Зенков — Қазыбек би — Барибаев көшелері аумағындағы Зенков, Қалдаяқов, Абдуллиндер, Қайырбеков, Барибаев және Бұзырбаев көшелерінде солтүстік және оңтүстік бағыттарда шектеулер қолданылады.

2025 жылы президент Қасым-Жомарт Тоқаев жеңіс шеруінде «Өшпес полк» мәселесіне нүкте қойды.  Ол Қазақстанда майдангерлерді еске алу акциясы ендігі жерде басқа атаумен өтетінін мәлімдеді.

Осыған орай ретте «Өшпес полк» Жеңістің 80 жылдығына арналған «Батырларға тағзым» патриоттық акциясына ауыстырылды.

Оқи отырыңыз:

• 9 мамырда Алматыда «Өшпес полк» емес, «Батырларға тағзым» акциясы өтеді
• Тоқаев «Өшпес полк» мәселесіне нүкте қойды
• Олжас Бектенов қазақтың аңыз ұшқышы - Талғат Бигелдиновтің рухына тағзым етті