Алматыда мопед жүргізушісі коммуналдық қызмет көлігінің астында қалып қаза тапты

22 тамыз күні таңертең Алматыда Абай даңғылы мен Тілендиев көшесінің қиылысында жол-көлік оқиғасы болып, мопед айдаған адам қаза тапты, деп хабарлайды Orda.kz Zakon.kz-ке сілтеме жасап.

Абай даңғылының батыс бағытында, Тілендиев көшесінен өткеннен кейін автобус жолағында коммуналдық қызметке тиесілі Dulevo көлігі тұрған.

Арнайы техниканың жүргізушісінің айтуынша, ол Абай даңғылын тазалап жүрген. Тілендиев көшесінен өткеннен кейін көліктің щеткасы тұрып қалған. Осыған байланысты жүргізуші техниканы жөндеу үшін автобус жолағына тоқтаған.

Шамамен сағат 04:27-де Dulevo жүргізушісі жөндеу жұмыстарын аяқтаған кезде, автобус жолағымен DongFang маркалы мопед келе жатқан. Мопед жүргізушісі жолда коммуналдық қызмет көлігі тұрғанын соңғы сәтте ғана байқаған.

Апат салдарынан 1993 жылы туған мопед жүргізушісі алған жарақатынан оқиға орнында, медицина қызметкерлері келгенге дейін қайтыс болды.

Қазір оқиға орнында жол полициясы қызметкерлері, анықтаушы және криминалист жұмыс істеп жатыр. Олар жол апатының барлық мән-жайын анықтауда.

Оқи отырыңыз:

• БҰҰ: Эбола індеті қарқынды тарап жатыр, жергілікті адамдар жедел жәрдем көліктерін өртеп, таспен атқылайды
• Дастан Сәтбаев «Бернли» құрамында алғаш сұхбат берді: Жаңа рекордтар орнатамын