200 миллиард теңгенің темекі контрабандасын шетелден кіргізбекші болғандар ұсталды

Прокуратура Қырғызстаннан темекі өнімдерін заңсыз жеткізу арнасын тоқтатты. Күдіктілер контрафактілік тауарды өңір аумағы мен елдің батыс облыстарында сатпақшы болған, деп хабарлайды Orda.kz.      

Тәркіленген өнімнің жалпы құны 103 миллион теңге болғанын Қазақстан Республикасы Бас прокуратурасы мәлімдеді. Олардың мәліметінше, аталған факті бойынша ҚР Қылмыстық кодексінің 214-бабы негізінде сотқа дейінгі тергеу жүргізіліп жатыр.

Сонымен қатар, шекара маңында жүк көліктері жүргізушілерінен ақша бопсалаумен айналысқан қылмыстық топ анықталған.

Ведомство хабарлауынша, қылмыстық схемаға қатысы бар 23 адам анықталған, олардың бесеуі қамауға алынған.

Бұдан бөлек, прокуратураның үйлестіруімен жүргізілген жедел және арнайы іс-шаралар нәтижесінде Түркістан облысы бойынша экономикалық тергеп-тексеру департаменті жалған кәсіпорындар арқылы жақын және алыс шетелдерге шамамен 200 млрд теңгені заңсыз шығарған деректі әшкереледі. Аталған факт бойынша ҚР Қылмыстық кодексінің 235-1-бабы 3-бөлігімен сотқа дейінгі тергеу басталды.

Жақында ғана  есірткіні аса ірі көлемде контрабанда жасап, өткізгені үшін сотталған Қазақстан азаматы Қырғызстаннан жазасын өтеу үшін экстрадицияланған болатын. Ол пробациялық бақылауда болған кезінде, 2017 жылы сотталған әйел жазасын өтеуден жалтарып, іздеуге жарияланған екен.

Оқи отырыңыз:

• Гашиш контрабандасымен айналысып, қашып жүрген әйел Қырғызстаннан экстрадицияланды
• ҰҚК заңсыз контрабандамен айналысты деген 18 шетелдікті ұстады
• Түрмедегі салық: Оралдағы колонияда қылмыстық топ құрып алған