Алматыда клубтан шыққан қыздың шашынан сүйреп, аяусыз соққыға жыққан

Алматыда түнгі клуб жабылғаннан кейін үш адам жас қызға шабуыл жасаған. Жәбірленушінің айтуынша, жанжал бейтаныс адамдар олардың өздерін мазақтап күлді деп ойлағаннан кейін басталған, деп хабарлайды Orda.kz.

Алматы тұрғыны түнгі клубтан шыққаннан кейін өзін және екі досын бірнеше адам ұрып-соққанын мәлімдеді. Оның айтуынша, жанжал кезінде екі қыз оны шашынан ұстап, бетінен ұрған, ал ер адам оның досына соққы жасаған.

Жәбірленуші ер адамның соққысынан кейін досының мұрны сынып, бірнеше минутқа есінен танып қалғанын айтты. Қыздың сөзінше, жанжалға олардың бейтаныс адамдарға күлгені себеп болған. Алайда ол өздерінің ешкімді мазақ етпегенін айтады.

Сонымен қатар, жәбірленуші полиция бөлімшесінде де қысым жалғасқанын мәлімдеді. Оның айтуынша, жанжалға қатысушылардың бірі сол жерде оларға қоқан-лоқы көрсеткен. Кейін кешірім сұрап, мәселені ақшамен шешуді ұсынған.

Оқиғаға қатысты Алматы полициясының ресми түсініктемесі әзірге жоқ.

Оқи отырыңыз:

«Бес айлық күшік еді»: 11 жастағы баланың құлағын шайнап тастаған иттердің иесі сотта жауап берді

Жаңа оқу жылы: Қазақстанда қандай өзгерістер болады?