Алматыда ер адамды «сөйлесуге» көшеге шақырып, сабап кеткен күдікті ұсталды

Турксіб ауданында денсаулыққа зақым келтіру фактісі бойынша қылмыстық іс қозғалып, күдікті ұсталды, деп хабарлайды Orda.kz.

Полиция департаменті мәліметіне сәйкес, жедел-тергеу шаралары барысында күдікті анықталып, ұсталған, уақытша ұстау изоляторына қамалды.

«Осы факті бойынша Турксіб ауданы полиция басқармасы денсаулыққа зақым келтіру, яғни, дене жарақатын салу дерегі бойынша қылмыстық іс қозғады» деп жазылған хабарламада.

Барлық жағдайларды жан-жақты және объективті анықтау үшін тергеу кешенді жүргізіліп жатыр. Тергеу Алматы полиция департаменті басшылығының бақылауында, нәтижесі бойынша заңнамаға сәйкес процессуалдық шешім қабылданады.

Әлеуметтік желілерде 10 ақпанда үш ер адам жергілікті тұрғынды «сөйлесу үшін» көшеге шақырып, ұрғаны туралы ақпарат тараған еді. Жәбірленушінің туыстарының айтуынша, ол ауыр жарақат алған, соның ішінде бас сүйегі сынып, миына қан құйылған. Ол ауруханаға жатқызылған.

Оқи отырыңыз:

• Алматыда дін қызметкері Иаков Воронцов нашақорлар тобын құрып ұсталды
• «1 млрд доллардан астам қаржы жымқырған»: СІМ АҚШ-та екі бірдей қазақстандықтың ұсталғанын растады