«1 млрд доллардан астам қаржы жымқырған»: СІМ АҚШ-та екі бірдей қазақстандықтың ұсталғанын растады

Сыртқы істер министрлігі АҚШ-та екі қазақстандық азаматтың Medicare және Medigap бағдарламаларына қатысты алаяқтық жасап ұсталғанын растады, деп хабарлайды Orda.kz. 

АҚШ құқық қорғау органдары СІМ сұрауына жауап беріп, қазақстандықтардың ұсталғаны туралы хабардар етті.

Министрліктің мәліметінше, ұсталған азаматтардың туыстары әлі күнге дейін елшілікке бұл мәселемен жүгінбеген екен. 

Айта кетейік, Чикаго қаласында екі қазақстандық азамат АҚШ-тың медициналық сақтандыру бағдарламалары арқылы алаяқтық жасады деген күдікке ілінді. АҚШ федералдық прокуратурасының мәліметінше, күдіктілер медициналық құрал-жабдықтармен диагностикалық тексеру көрсетілмесе де, жалған құжат арқылы мемлекеттік және жеке сақтандыру компанияларынан 1 млрд доллардан астам қаржы алған.

Күдікті Әнуар Әбдірахманов Priority One Medical Equipment компаниясы арқылы 2024 жылдың наурызы мен тамызы аралығында 666 миллион долларлық медициналық тауар жеткізілгендей жалған есеп берген. Тексеру кезінде ешқандай құрал алынбағаны және компания кеңсесінің іс жүзінде жұмыс істемейтіні анықталды. Прокурорлар жымқырылған қаржының бір бөлігі Гонконгтағы шетелдік есепшоттарға аударылғанын хабарлады.

Екінші айыпталушы Таир Смағұл Medical Home Care Inc. компаниясы арқылы медициналық катетерлер жеткізілді деп, 953 миллион долларлық жүздеген мың жалған өтінім жіберген. Medicare жүйесіне осы компанияға қатысты 27 мыңнан астам шағым түскен. Науқастар мен дәрігерлер аталған қызметтердің орындалмағанын растап отыр. Тергеу мәліметтері бойынша, Смағұл сақтандырудан түскен ақшаны қолма-қол шешіп алып, компания есепшоттарын жауып, қаржыны жеке шотына аударған.

Оқи отырыңыз:

• Дүниежүзілік банк Қазақстанға алты жыл бойы 1 млрд АҚШ долларына дейін қаржы бөлуге дайын
• АҚШ өз азаматтарын шұғыл түрде Венесуэладан кетуге үндеп жатыр
• АҚШ Украинадағы соғысты жазға дейін аяқтауды келіспек — Зеленский