Алматыда дін қызметкері Иаков Воронцов нашақорлар тобын құрып ұсталды

Алматыда бұрынғы дін қызметкері Иаков Воронцов ұсталды. Ол Украинадағы соғысқа қарсы мәлімдемелерімен және Ресей православ шіркеуін үнемі сынайтынымен танымал, деп хабарлайды Orda.kz.

Алматы ПД біздің редакцияға  хабарлауынша, оған қылмыстық-процессуалдық басқармасы есірткі қолданатындар тобын жинап, притон ұйымдастырғаны үшін қылмыстық іс қозғаған.

«Алматы қаласы полиция департаментінің Тергеу басқармасында есірткі заттарын тұтынуға арналған притон ұйымдастыру дерегі бойынша қылмыстық іс тергеліп жатыр.

Аталған құқық бұзушылыққа қатысы бар деген күдікпен 1986 жылы туған ер адам ұсталды. Тінту жүргізу барысында одан ұнтақ заттар тәркіленді. Медициналық куәландыру нәтижелері оның есірткі қолданғанын растады», деп хабарлады Алматы ПД.

Полиция департаменті мәліметінше қазіргі уақытта қылмыстық іс аясында кешенді тергеу жүргізілуде. Заңсыз әрекетке қатысы бар барлық тұлғалар мен істің мән-жайы анықталуда.

«Есірткі заттарын тұтынуға арналған притон ұйымдастыру және ұстау — қылмыстық жауапкершілікке әкеп соғатын ауыр құқық бұзушылық. Мұндай заңсыз әрекеттерге қатаң тосқауыл қойылады», деп хабарлады Алматы ПД.

Айта кетейік, Иаков Воронцов 2022 жылы кеңінен танымал болды. Сол кезде ол Ресей православ шіркеуі дін қызметкері бола отырып, Украинадағы соғысқа қарсы ашық мәлімдеме жасады. Ол Кремль әрекеттерін қолдаған. Оның ұстанымы дін қауымдастығында үлкен резонанс тудырды.

2023 жылы ол белсенді қызметтен шеттеді. Сол жылы оған Facebook желісіндегі соғыс пен шіркеудің рөлін сынға алған жазбасы үшін қылмыстық іс қозғалған еді. Сараптама қылмыстық құрам таппаған соң, іс бір жылдан кейін жабылды.

Оқи отырыңыз:

• Тағы да Талғар — зәреңді алар: Ғалымжан Шерзатұлының өліміне кім кінәлі?
• Судья Светлана Жолманова тағы қылмыстық іс арқалады