Алматыда автотұрақ үш есе арзан бағаға сатылып кетті

Алматыда Әл-Фараби даңғылы бойындағы «Нұрлы Тау» бизнес орталығы маңындағы екі жер телімі 179 млн теңгеге сатылды. Қазір онда автотұрақ пен гүлзарлар тұр. Бірақ бұл жерде сауда нысандары бар әкімшілік-тұрғын үй кешенін салу жоспарланған.

2007 жылы «Маунтин Гигант ЛТД» ЖШС көлемі 0,4 гектар және 0,5 гектар болатын осы екі жер телімін тиісінше 40 және 52 млн теңгеге сатып алған. 2017 жылы ЖШС банкрот деп танылып, оның мүлкі қазір сатылымға шығарылған.

Бұл екі блоктың нарықтық құны 477 млн теңгені құрайды. Яғни, 15 жыл ішінде Самал ықшамауданындағы жердің құны 10 есеге жуық қымбаттады. Азайту бойынша аукцион 358 млн теңгеден басталғанымен, соңында жер телімдері бар болғаны 179 млн теңгеге сатылды. Демек 2,5 есеге арзан сатылып кеткен.

Жылдар бойы жер телімдерінің нысаналы мақсаты өзгерген жоқ. Оның үстіне компанияның сот ісін қарайтын болсақ, әуелде әкімдік оған тұрғын үй кешендері, сауда үйлері мен әлеуметтік нысандар салынатын жер телімдерін әлдеқайда көбірек береді деп жоспарланған болатын. Енді осының барлығын жер телімдерінің жаңа қожайыны қолға алады.