Алматыда әйелді балағаттаған ер адамға қатысты полиция тексеру жүргізіп жатыр

Алматыда Абылай хан даңғылындағы қоғамдық тамақтану орындарының бірінің маңында түсірілген видео әлеуметтік желілерде тарады, деп хабарлайды Orda.kz.

Кадрда көрші үстелде отырған ер адамның бейнетүсірілім жасап тұрған әйелге балағат сөздер айтқаны көрінеді.

Жарияланым әлеуметтік желі қолданушылары арасында қызу талқыланды. Пікір білдірушілер, оның ішінде шетел азаматтары да ер адамның әрекетін сынға алып, мұндай жағдайдың қала мен Қазақстан туралы қонақтардың пікіріне кері әсер етуі мүмкін екенін жазған.

Полиция ер адамның кім екенін анықтады. Белгілі болғандай, ол Қазақстан азаматы емес — құқық бұзушы Канаданың азаматы болып шықты. Құқық қорғау органдары Қазақстан аумағында заң талаптары азаматтығына және мәртебесіне қарамастан барлығына бірдей қолданылатынын атап өтті.

«Ер адамға ұсақ бұзақылық фактісі бойынша әкімшілік іс қозғалды. Сот шешімімен Канада азаматына 5 тәулікке әкімшілік қамауға алу жазасы тағайындалды»,  деп хабарлады Алматы полиция департаменті.

Полиция Қазақстанның қонақжайлығы заңды елемеуге мүмкіндік бермейтінін еске салды. Еліміздің аумағында жүрген әр адам заңды және айналасындағыларды құрметтеуге міндетті.

Оқи отырыңыз: 

• Трампты қолдау рейтингі 33%-ға дейін төмендеді — бұл оның президенттігі кезіндегі ең төмен көрсеткіш
• Бас прокурор: Шетелдегі 12 алаяқтық байланыс орталығынан түскен миллионнан астам қоңырау тоқтатылды