Алматы тауларына көшкін қаупіне байланысты блокбекеттер қойылды

Алматы тауларында көшкін қаупі күшеюіне байланысты блокбекеттер қойылды, деп хабарлайды Orda.kz.      

Алматының таулы аймақтарында блокбекеттердің орнатылғаны туралы Алматы қаласының Төтенше жағдайлар департаменті мәлімдеді.

«Алматы қаласының таулы өңірлерінде көшкін қаупі жоғары деңгейде. Осыған байланысты Қазселденқорғау мекемесі мен Алматы қаласының Төтенше жағдайлар департаменті азаматтарға қауіпсіздік шараларын қатаң сақтауды, таулы аймақтарға уақытша бармауды ұсынады. Сондай-ақ халықтың қауіпсіздігін қамтамасыз ету мақсатында көшкін қаупі бар учаскелерде блокбекеттер қойылғанын хабарлайды» деп жазылған ресми ақпаратта. 

Қосымша мәліметке сәйкес, көшкін қаупі бар аумақтар арқылы өтетін автожолмен қозғалыс көшкін жағдайы тұрақталғанға дейін уақытша тоқтатылды.

«Тауға шығар кезде ауа райы жағдайын және уәкілетті қызметтердің ресми ескертулерін ескерулеріңізді сұраймыз», деп атап өтті құзырлы орган. 

Оқи отырыңыз:

• Алматы тау шаңғысы кластері жылына 7,5 млн турист қабылдай алады
• Алматы тауларында бір тәулікте үш қар көшкіні жүрді
• Шымбұлақта қар көшкінінен қаза тапқан әйелдің кім екені белгілі болды