Алматы мен Астанада аптап ыстық күшейеді: Ауа температурасы +38 градусқа дейін жетеді

«Қазгидромет» синоптиктерінің айтуынша  алдағы үш күнде Астана мен Алматыда жауын-шашын күтілмейді, ал күндіз ауа температурасы +38 градусқа дейін көтеріледі, деп хабарлайды Orda.kz.

«Қазгидрометтің» мәліметінше, 10–12 шілде аралығында Астана мен Алматыда жауын-шашынсыз, аптап ыстық ауа райы сақталады. 

Астанада 10 шілдеде күн ала бұлтты болады, жауын-шашын күтілмейді. Шығыс бағытынан соғатын желдің жылдамдығы секундына 7–12 метрге дейін жетеді. Түнде ауа температурасы +17...+19 градус болса, күндіз +34...+36 градусқа дейін ысиды. 11 және 12 шілдеде де жауын-шашын болмайды. Күндіз ауа температурасы +35...+37 градусқа дейін көтеріліп, аптап ыстық сақталады.

Ал Алматыда 10 шілдеде де жауын-шашынсыз ауа райы болжанып отыр. Солтүстік-шығыстан соғатын желдің жылдамдығы секундына 3–8 метр болады. Түнде +19...+21 градус, күндіз +33...+35 градус ыстық күтіледі. 11 шілдеде күндіз ауа температурасы +35...+37 градусқа дейін жоғарыласа, 12 шілдеде +36...+38 градусқа дейін жетеді. Бұл күндері де жауын-шашын болмайды.

Еліміздің қалған бөлігінде құрғақ әрі ыстық ауа райы сақталады. Оңтүстік өңірлерде күндіз ауа температурасы +45 градусқа дейін көтеріледі.

Оқи отырыңыз:

Студент қос аяғынан айырылды: Арыс әкімінің ұлы неге күдікке ілінді?

Мас болып екі көлікпен соқтығысқан Данияр Елеусінов 20 тәулікке қамалды