Алматы көшесінде қолының қаны сорғалап жүрген адам жұрттың зәресін алды

Қан сорғалаған қолына газ кілтін ұстап алып көшеде жүрген ер адам көшеде жүріп, алматылықтарды қорқытты. Ол қаланың сұлулық салондарының біріне кіріп, жуынып, кейін кетіп қалған. Алайда бұл істің мәні бар екенін аңғарған әкімші полиция шақырып үлгерген, деп хабарлайды Orda.kz.      

Оқиға бүгін таңертең Алматыдағы сұлулық салондарының бірінде болған. Ол жерге қолы қанға боялған ер адам кіріп, қолын жуатын жерді көрсетуді талап еткен.

«Ол ресепшнге келіп, жуынатын жерді көрсетуді сұраған. Әкімші оны сыпайы түрде кетуін сұрағанда, ол: «мүмкін мен біреуді өлтірген шығармын?» деген. Қорыққан қыз оған дәретхананың есігін көрсетті. Ер адам жуынып, содан кейін салоннан шығып кетті. Әкімші бірден 102 нөміріне хабарласты. Келген полиция қызметкерлері ер адамның ұсталғанын айтты, оның жанында пышақ та болған деген ақпарат бар», – деді заңгер Анна Чернова телеграмм парақшасында. 

Оқиғаға Алматы қалалық полиция департаменті түсініктеме берді. Ведомство өкілдері ер адамның табылып, барлық мән-жай анықталғанын хабарлады.

«Ер адамның жеке басы анықталды. Ол жедел түрде ұсталды. Алдын ала мәлімет бойынша, азамат мас болған. Оның дене жарақаттарын өз бетінше алғаны анықталды. Бейнежазбада көрінген қан өзіне тиесілі. Басқа адамдарға зиян келтіру фактілері тіркелген жоқ. Айналадағы адамдарға қауіп төндірмеген», деп хабарлады полиция.

Полиция департаменті болған оқиғаның барлық мән-жайы жан-жақты зерттелетінін, нәтижесінде құқықтық баға берілетінін атап өтті.

Оқи отырыңыз:

• Еш жерде жұмыс істемей, жұртты бопсалап, уыс-уыс ақша шашып жүргендер сотталды
• Түркістан облысында турнирге бара жатқан балалар жолда опат болды
• Танысын балталап өлтіріп, мәйітін кереуеттің астына тығып қойған әйелге үкім шықты