Алматы қаласында алғаш рет Чемпиондар лигасының әнұраны шырқалды

26 тамыз футболдан алматылық «Қайрат» пен шотландиялық «Селтиктің» матчы кезінде алғаш рет Алматыда Чемпиондар лигасының әнұраны ойнатылады, деп хабарлайды Orda.kz.

Чемпиондар лигасының іріктеу кезеңінің соңғы турында Қазақстаннан тек «Қайрат» ел намысын қорғайды. Бұған дейін алматылық клуб словениялық «Олимпия Любляна» финляндиялық «КУПС» және словакиялық «Слован» командаларымен иық тіресіп, барлығын жеңіспен аяқтаған болатын. 

Бұған дейінгі шотландиялық клубтың жаттықтырушысы өздерінің шынайы ойын өрнегін Қазақстанда көрсететінін айтқан болатын.

«Біз жақтан менсінбеу деген болмады. Біз бәріне бірдей дайындаламыз әрі қарсыласты сыйлаймыз. Әрбір ойыншы үшін Чемпиондар лигасының топтық кезеңінде ойнау маңызды. Сондықтан біз ертең алаңда өз футболымызды көрсетуіміз керек. Біз үшін келесі кезеңге өтуге керемет мүмкіндік бар»,–  деді «Селтиктің» бас бапкері Брендан Роджерс. 

Айта кетейік, бүгінгі матчқа 17 жастағы «Қайраттың» жас ойыншысы «Селтикқа» қарсы өткен бірінші  матчта дөрекілік көрсеткені үшін жауапты матчқа шеттетілген болатын. Сондай-ақ ойынға Ұлттық құраманың жаттықтырушысы келіп, қазақстандық футболшыларды жіті бақылауында ұстап отыр.

Еске сала кетейік, бұған дейінгі «Қайрат» пен «Слован» арасындағы матч тартысты өтіп, алматылық клуб пенальтиден басым түскен болатын.