«Слованды» жеңген «Қайрат» чемпиондар лигасының келесі кезеңіне өтті

«Қайрат» футбол клубы Чемпиондар лигасының іріктеуінде «Слованды» пенальти сериясынан жеңіп, 4-іріктеу кезеңіне өтті, деп хабарлайды Orda.kz.

Алматылық клуб словакиялықтарға 120 минут бойы дес бермей, пенальти сериясында 4-3 есебімен жеңді. Қарымта матч басталғанда қорғаушы Егор Сорокиннің қателігін пайдаланған Роберт Мак 30 минутта жалпы есеп айырмасын (1-1) теңестірді.

Келесі матч басталғанда «Қайрат» шотландиялық «Селтик» футбол клубымен кездеседі.

«Қайраттың жолы болып кетті. Екі матчта да шешуші сәттердің барлығында басым болды. Ал пенальти дегеніміз – лоторея», – деді жаттықтырушының көмекшісі Борис Китка.

Еске сала кетейік, бұған дейін екі клубтың бірінші кездесу ойынының алдында өткен баспасөз-мәслихатында бұрынғы «Астана» ойыншысы Тигран Барсегян мен бұрынғы «Қайраттың» жаттықтырушысы Владимир Вайсс БАҚ өкілдеріне сұхбат берген болатын.

Ал ойын соңында «Слован» капитаны Владимир Вайсс төрешінің ойын кезіндегі шешіміне наразылық танытып, стадионның нашар екенін тілге тиек еткен болатын.