Almaty Half Marathon-на әлемнің 44 елінен 10 000-нан астам адам қатысты

Қазақстандағы ірі жүгіру маусымы басталды. Алматыда «Бірінші болуға батылдық» корпоративтік қоры ұйымдастырған жартылай марафон өтті. 19 сәуірде Алматыда тоғызыншы рет Almaty Half Marathon өтіп, оған әлемнің 44 елінен 10 000-нан астам адам қатысты, деп хабарлайды Orda.kz Алматы әкімдігіне сілтеп.

Биыл Алматыға 44 елден 900-ге жуық желаяқ келіп, тоғыз жыл ішіндегі шетелдік қатысушылар саны бойынша рекорд орнады. Жарыс Алматы қаласы әкімдігінің қолдауымен өтті. Жарыс тоғызыншы рет ұйымдастырылып отыр.

Қатысушылардың дені қазақстандық болғанымен, жыл сайын қатысушылар географиясы кеңейіп келеді. Биыл жарысқа 821 шетелдік спортшы (жалпы санының шамамен 8%-ы) арнайы қатысу үшін Алматыға келді.

Ең көп қатысқан елдер: Ресей (346), Қырғызстан (146) және Өзбекстан (81). Сонымен қатар Қытай (37), АҚШ (32), Ұлыбритания (28), Украина (21) және Беларусь (18) елдерінен де қатысушылар болды. Бұл дода Азия, Еуропа, Солтүстік және Оңтүстік Америка, Африка мен Таяу Шығыс елдерінен келді.  

«Спорттық туризм – қаланы халықаралық деңгейде танытудың ең тиімді құралдарының бірі. Сондай-ақ, жүгірушілер көбіне жалғыз келмейді, олармен бірге отбасы мүшелері мен достары да келеді, бұл өз кезегінде туристер санын арттырады. Көптеген шетелдік қонақ үшін бұл жарыс Қазақстанмен алғашқы таныстыққа айналып, қайта оралуға себеп болады. Біздің зерттеуімізге сәйкес, басқа қалалардан және шетелден келген қатысушылардың 79,3%-ы Алматыға қайта келуді жоспарлап отыр. Бұл жаңа сапарлар мен қаланың инвестициялық тартымдылығы артатынын білдіреді», – деді «Бірінші болу - батылдық» корпоративтік қоры қамқоршылық кеңесінің төрағасы Ғалымжан Есенов. 

Айта кетерлігі, бұл жолы мәреге жету аймағында ана мен бала бөлмесі, бөлек санитарлық тораптар ұйымдастырылып, ерекше қажеттілігі бар жандарға арналған арнайы дәретханалар орнатылған. 

Еске салсақ, 31 мамыр күні өтетін Astana Half Marathon жарысына тіркелу жалғасуда. Бұл іс-шара еліміздің түкпір-түкпірінен келетін әуесқой желаяқтардың басын қосады. Сонымен қатар 2026 жылы 27 қыркүйекте өтетін 15-ші мерейтойлық Almaty Marathon-ға да тіркелу ашық. Бұл Орталық Азиядағы ең ірі жүгіру жарысы. 

Оқи отырыңыз:

• Астананың көлік жүргізушілері эвакуатор шақыру мен арнайы тұрақ ақысын өздері төлейтін болды
• Солтүстік Қазақстанда 7,7 гектар орман алқабы өртенді
• Иран СІМ: Еуроодақтың өзі АҚШ пен Израильдің әскери қылмыстарын қолдап отыр