Әл-Фарабидегі апат: Марқұмдардың туыстары Пакты кешіріп, бас бостандығынан айырмауды өтінді
Фото: Orda.kz
Алматы қаласының қылмыстық істер жөніндегі мамандандырылған ауданаралық сотында Әл-Фараби даңғылындағы үш адамның өмірін қиған жол-көлік оқиғасына қатысты іс қаралуын жалғастырды. 1 маусымдағы сот отырысында айыпталушы Александр Пак кінәсін толық мойындады, деп хабарлайды Orda.kz тілшісі.
Айта кетейік, айыпталушы денсаулығына қатысты шағымдарына байланысты судьяның шешімімен сот процесіне онлайн қатысып жатыр. Бейнебайланыс арқылы жәбірленушілер де қосылды. Алайда сот залына айыпталушының адвокаттары мен қаза тапқан Еламанның адвокаты келді.
Сот отырысы барысында Еламанның туыстары Александр Пакты кешіргендерін және оған ешқандай талап-арыздары жоқ екенін мәлімдеді. Адвокаттың айтуынша, марқұмның әпкесі Ләззат жазбаша өтініш беріп, өзіне келтірілген моральдық шығын толық өтелгенін көрсеткен.
Сонымен қатар ол өтінішінде Александр Пакқа бас бостандығынан айыру жазасын тағайындамауды сұраған. Өз кезегінде айыпталушы сотта кінәсін толық мойындады.
Осындай ұстанымды сотта қаза тапқан Құмардың анасы да айтты. Әйел Александр Пакты кешіргенін және қызының «жаны тыныштық тапқанын қалайтынын» жеткізді. Оның сөзінше, марқұмның отбасы айыпталушыға өкпе сақтамайды.
Ал үшінші қаза тапқан адамның анасы сот отырысына келмеді және бейнебайланысқа да қосылмады. Осыған байланысты сот істі қарауды 4 маусымға қалдыру туралы шешім қабылдады.
Еске салсақ, 28 мамырда іс бойынша алдын ала тыңдау өткен болатын. Сол кезде Александр Пак қаза тапқандардың отбасыларынан кешірім сұрап, «заң алдында жауап беруге дайын екенін» мәлімдеген еді. Сондай-ақ жәбірленуші тараптың адвокаты Мейірман Шекеев 100 миллион теңге көлемінде азаматтық талап-арыз беретінін хабарлаған.
Қайғылы жол апаты 21 наурызға қараған түні Әл-Фараби даңғылы мен Меңдіқұлов көшесінің қиылысында болған. Тергеу нұсқасы бойынша, Zeekr көлігінің жүргізушісі қарсы қозғалыс жолағына шығып кетіп, Mercedes автокөлігімен соқтығысқан. Соның салдарынан Mercedes жүргізушісі мен екі жолаушысы қаза тапқан.
Оқи отырыңыз:
Жаңалықтар
- Екі министр шұғыл аттанды: Абай облысындағы өрт 60 гектарды шарпыды, 220 адам эвакуацияланды
- Астанада нәрестесін кәрізге ағызып жіберген 29 жастағы әйел ұсталды
- Павлодардағы банкте петарда жарған қарттардың халі қалай?
- Алматыда қызды аяусыз ұрып-соғып, видеоға түсіріп таратқан
- Президент Қытайда: «Қазақстанды Орталық Азиядағы жетекші AgriTech хабы ретінде дамытамыз»
- «Семей орманы» аумағындағы алапат өртті сөндіруге авиация тартылды
- 200 миллиард теңгенің темекі контрабандасын шетелден кіргізбекші болғандар ұсталды
- Түрмедегі салық: Оралдағы колонияда қылмыстық топ құрып алған
- ӘЧ-2026: Матчтан кейінгі саяси дау — «Фолкленд аралдары – Аргентинаға тиесілі»
- «Қайрат» Чемпиондар лигасы іріктеу кезеңінің екінші айналымына өтті
- Шомылу маусымы басталғалы 69 бала суға кетіп қайтыс болды
- Иран Американың Кувейт пен Иорданиядағы әскери нысандарына жаңа соққы жасады
- Мемлекет басшысы ҚХР Төрағасының шақыруымен Шанхайға жұмыс сапарымен барды
- Қазақстанда миллион теңгеден асатын жалақыны кімдер алады?
- Еліміздің ірі үш қаласында ауа температурасы +48 градусқа дейін ысиды
- Президент тапсырмасы: «Алматы – Қаскелең» жолы сегіз жолаққа дейін кеңейтіледі
- Екі аптада 33 мың жедел жәрдем: Алматылықтар аптап ыстықпен қалай күреседі?
- Стамбұл соты Биньямин Нетаньяхуды қамауға алуға халықаралық ордер шығарды
- Ақтөбеде кісі өлтіріп, денесін қоқыс алаңына тастаған адам 14 жылға сотталды
- Бюджетке 730 миллиард теңге салық неге түспеген?
