Шонжыдағы сұмдық: Жоғалған жігіттің мәйіті көміп тастаған жерінен табылды

Алматы облысы Ұйғыр ауданында, Шонжы ауылындағы демалыс орындарының бірінде 29 жастағы қызметкерді аяусыз өлтіру дерегі бойынша тергеу амалдары жүріп жатыр, деп хабарлайды Orda.kz.

Қылмысқа оның әріптестері күдікті деп танылды. Бұл қайғылы оқиға қаза тапқан азаматтың қарындасы Threads әлеуметтік желісінде жазба жариялағаннан кейін белгілі болды. Оның айтуынша, бауыры 23 мамырда жұмысқа кетіп, қайта оралмаған. Жақындары оны бірнеше күн бойы өз бетінше іздеген, ал 27 мамырда ер адамның анасы полицияға ресми түрде арызданған. Сол күні жедел іздестіру шаралары барысында жоғалған азаматтың мәйіті Шонжыдағы жұмыс орнынан алыс емес жерде көміп тастаған жерінен табылды.

Марқұмның қарындасының айтуынша, бауырын түні бойы азаптаған: үш әріптесі оны таспен ұрып-соғып, содан кейін тірідей көміп тастаған. Туыстары кінәлілердің барлығы әділетті жазасын алуы үшін толық әрі объективті тергеу жүргізуді талап етуде.

Алматы облыстық полиция департаменті күдіктілердің ұсталғанын растады. Тергеудің алдын ала нұсқасы бойынша, демалыс орнының қызметкерлері бірге ішімдік ішіп отырғанда өзара жанжал туындап, салдарынан жәбірленушіні аяусыз соққыға жыққан. Қылмыс ізін жасыру үшін шабуылдаушылар оның денесін жақын маңға көміп тастаған.

Полицейлер із суытпай екі ер адамды ұстады, олар қазіргі уақытта қамауға алынып, уақытша ұстау изоляторына қамалды. Қылмыстық істер «Адам өлтіру» және «Қылмысты жасырып қалу» баптары бойынша қозғалды. Сол компанияда болған үшінші ер адамға қатысты процессуалдық шешім алдағы тергеу нәтижелері бойынша қабылданады. Оқиғаның барлық мән-жайын тексеру жұмыстары жалғасуда.

Арыз түскеннен кейін бірден іздестіру және жедел-іздестіру шаралары ұйымдастырылды. Нәтижесінде жоғалған азаматтың денесі оның жұмыс орнына жақын орналасқан демалыс аймағының маңынан табылды.

Алдын ала мәлімет бойынша, ер адам әріптестерімен бірге спирттік ішімдік ішкен. Кейін олардың арасында жанжал туындап, соның барысында жәбірленушіге дене жарақаттары салынған.

Оқиға бойынша кісі өлтіру және қылмысты жасыру фактілері бойынша қылмыстық істер қозғалды. Күдікті ретінде екі адам ұсталып, уақытша ұстау изоляторына қамалды.

Тергеу аясында болған оқиғаның барлық мән-жайын анықтауға бағытталған қажетті процессуалдық әрекеттер жүргізіліп жатыр. Компанияда болған үшінші ер адамға қатысты процессуалдық шешім тергеу нәтижесіне қарай қабылданады.

Оқи отырыңыз:

Жасөспірімді ұрды деген шағымнан кейін Арман Шораевқа іздеу жарияланды

Еліміздің әр өңірінен келген 100 оқушы Ақорданы аралады