Ақтөбе облысында жол апатынан бес адам қаза тауып, бір адам комада жатыр

Ақтөбе облысында болған жол-көлік оқиғасы салдарынан бес адам қаза тауып, тағы бір адам кома жағдайында жатыр, деп хабарлайды Orda.kz тілшісі.       

Облыстық денсаулық сақтау басқармасының мәліметінше, зардап шеккен азамат 33 жаста. Оның жағдайы ауыр деп бағаланған, ол комада жатыр.

«Апат салдарынан «ВАЗ» автокөлігінің жүргізушісі мен төрт жолаушысы алған жарақаттарынан оқиға орнында көз жұмды. Тағы бір жолаушы түрлі жарақаттармен Байғанин аудандық орталық ауруханасына жеткізілді» деп жазылған хабарламада. 

Полиция департаментінің мәліметінше, жол апаты Байғанин ауданының орталығы – Қарауылкелді кенті маңында болған. Тас жолда «ВАЗ» және «DAF» автокөліктері соқтығысқан.

Сондай-ақ оқиға орнына санитарлық авиация мамандарын жіберу жоспарланып отырғаны хабарланды. Олар науқасқа алдын ала кеңес берген.

Полицияның мәліметінше, жол-көлік оқиғасына байланысты сотқа дейінгі тергеу басталды. Қазір оқиғаның барлық мән-жайы анықталуда. Сонымен қатар жүргізушілерге жол қозғалысы ережелерін сақтап, жолдағы қауіпсіздік шараларын ұстану қажеттігі ескертілді.

Оқи отырыңыз: 

• Алматыда қалың қар жауып, бір тәулікте 62 жол-көлік оқиғасы тіркелді
• Түнде жол-көлік оқиғасынан тағы 15 адам қаза тапты
• Жетісуда жолға шықпау туралы ескертуді елемеген бес көлік апатқа ұшырады
• Жүк көлігі үйге соғылып, жүргізуші кабинада қысылып қалды