АҚШ USAID бағдарламаларының 83 пайызын ресми түрде тоқтатты

АҚШ-тың USAID агенттігін ақпан айынан бері басқарып келе жатқан АҚШ Мемлекеттік хатшысы Марко Рубио 10 наурызда агенттік ақша бөлген бағдарламалардың көпшілігі қысқартылатынын мәлімдеді, деп хабарлайды Orda.kz.

Мемлекеттік хатшының айтуынша, әңгіме миллиардтаған доллар болатын 5,2 мың келісімшарт туралы болып отыр. Рубио бұл қаражат Америка Құрама Штаттарының мүдделеріне «қызмет етпейтін, тіпті кейбір жағдайларда зиян келтіретін» жолмен жұмсалғанын айтады.

Қалған бағдарламалар (олардың мыңға жуығы) Мемлекеттік департаменттің тікелей бақылауына беріледі. Марко Рубио DOGE-ге (миллиардер Илон Маск басқаратын АҚШ үкіметінің тиімділігі департаменті) «көптен қажет және тарихи реформаны» бастауға көмектескені үшін алғыс айтты.

Бұған дейін АҚШ президенті Дональд Трамп қаражатты жылдар бойы тиімсіз жұмсағандықтан, жарлықпен USAID қызметін тоқтатқан болатын.

Агенттік Қазақстанда қандай жобаларды қаржыландырғаны, енді кімдер америкалық грантсыз қалатыны туралы және Трамптың маңызды шешімдерінің бірі USAID агенттігінің жұмысын тоқтату болғанын  біз де жан-жақты таратып жазғанбыз.

Сондай-ақ, АҚШ-тың жаңа президенті Әлемдегі USAID-тің барлық өкілдері әкімшілік демалысқа жіберді.

 Сонымен қатар Қазақстан мәжілісінің депутаттары АҚШ-тың халықаралық даму агенттігі (USAID) мен  «шетел агенттері» туралы өтірік мәлімдеме жасағандары әшкере болды.

Даудың соңы Вашингтондағы USAID штаб-пәтерін жабумен тынды. АҚШ президенті Дональд Трамп USAID қаржысын тиімсіз жұмсады деп сынға алды. Оның айтуынша, агенттік түрлі елдердегі ЛГБТ құқықтарын қорғауға 40 миллион доллар бөлген. 

Ақ үй USAID-тың «берекетсіз» шығындарын ашты.Бизнесмен Илон Маск АҚШ-тың USAID агенттігін сынап, оны қылмыстық ұйым деп атады.