АҚШ-та авиашоу кезінде екі әскери жойғыш әуеде соқтығысты

АҚШ-тың Айдахо штатындағы авиашоу кезінде екі әскери жойғыш ұшақ әуеде соқтығысты. Оқиға Gunfighter Skies шоуы өтіп жатқан Маунтин-Хоум әскери әуе базасының маңында болған, деп хабарлайды Orda.kz.

Америкалық БАҚ-тың хабарлауынша, ұшақ экипаждары дер кезінде катапульта жасап үлгерген. Куәгерлер апаттан кейін аспанда төрт парашют көрінгенін айтқан.

Әлеуметтік желіде тараған видеода бір жойғыштың екіншісінің үстінен өтіп бара жатып, тиіп кеткені байқалады. Соқтығысудан кейін катапульта жүйелері іске қосылып, бірнеше секундтан соң ұшақтар жерге құлап, жарылған.

Алдын ала мәлімет бойынша, апатқа Boeing компаниясы шығаратын палубалық Super Hornet пен Growler жойғыштары қатысқан болуы мүмкін. Бірақ бұл ақпаратты АҚШ әскери күштері ресми түрде әлі растаған жоқ. Кейін Маунтин-Хоум базасы өрттің оқшауланғанын хабарлап, апатқа ұшыраған экипаж мүшелерінің жағдайы тұрақты екенін мәлімдеді.

Оқи отырыңыз:

• АҚШ пен Иран келіссөзді қайта бастау үшін тағы да бір-біріне талап қойды
• Ақтөбелік емші Динара Сәтжан мен Баян Алагөзоваға тиісіп, істі болды
• АҚШ-та ЖИ арқылы қатерлі ісікті анықтау жүйесін әзірлеген қазақ баласы марапатталды