АҚШ Сенаты Трамптың заң жобасын мақұлдады

АҚШ Сенаты Америка Президентінің федералдық шығындарды қысқарту туралы заң жобасын көпшілік дауыспен қабылдады. Бұл құжат «Біртұтас, ауқымды, көркем» (The Big Beautiful Bill) деген атаумен танымал, деп хабарлайды Orda.kz NBC телеарнасына сілтеме жасап.

«Республикашылдар бақылауындағы Сенат көп сағаттық дауыс беруден кейін Дональд Трамптың ішкі саясаттағы кең көлемді бастамаларын ілгерілететін заңдар топтамасын мақұлдады. Бұл — оның жоспарларының жүзеге асуына тағы бір қадам жақындау» деп хабарлады телеарна. 

Заң жобасын 51 сенатор қолдап, 49 қарсы дауыс берді, олардың ішінде екі республикашыл қарсы шыққан.

«Біртұтас, ауқымды, көркем» — бұл Дональд Трамптың 2025 жылы ұсынған ірі бюджеттік-салықтық заң жобасы. Құжат оның негізгі сайлауалды уәделерін орындауға бағытталған және бірқатар салаларда салықтар мен мемлекеттік шығындарды қысқартуды көздейді.

Заң жобасы АҚШ ішінде де, шетелде де кең қоғамдық резонанс тудырды.

Аталған заң жобасы Трамп пен Илон Маск арасындағы жанжалға себеп болды. Күні кеше Маск заң жобасының соңғы нұсқасын қатты сынға алып, оның АҚШ-та миллиондаған жұмыс орнын жоюы мүмкін екенін мәлімдеді.

Масктың пікірінше, бұл заң жобасы мемлекеттік қарыз шегін 5 триллион долларға арттырады.

 «Бұл — тарихтағы ең үлкен өсім болмақ және Американы қарыздық құлдыққа апаратын тез жолға қояды», – деді ол. 

2025 жылғы мамыр айының соңында Илон Маск осы заң жобасына қатысты Трамппен жанжалдасып Ақ үйден кетті, оның бюджет қаражатын оңтайландыру әдісі Қазақстан түгілі өз еліне жарамай қалды.

Қазақстанның Мемлекеттік кірістер комитеті елдегі ірі салық борышкерлерінің антирейтингін жариялады. Тізімде жалпы қарызы 15 миллиард теңге болатын 758,7 мыңнан астам компания бар.