Ақмола облысында «Қазгидромет» қызметкері бір айға жуық уақыттан бері табылмай жатыр

Ақмола облысында «Қазгидромет» қызметкерін іздеу жұмыстары бір айға жуық уақытқа созлғанымен әзірге нәтиже жоқ, деп хабарлайды Orda.kz.

Қолда бар мәліметке сәйкес, 60 жастағы ер адам Колутон ауылы маңындағы гидробекетте су деңгейін өлшеумен айналысқан. 5 сәуір күні таңғы сағат 05:30 шамасында ол жұмысқа шыққан, содан бері оның қайда екені белгісіз.

Өңірлік Төтенше жағдайлар департаментінің хабарлауынша, іздестіру жұмыстарына екі сүңгуір тобы тартылған. Осы күндер бойы олар Колутон өзенінің арнасын және оған жақын аумақтарды тексеріп шыққан.

Сонымен қатар іздеу жұмыстарына полиция қызметкерлері де қатысып жатыр. Полиция департаменті бұл дерек бойынша адамның жоғалып кету фактісі бойынша сотқа дейінгі тергеу жүргізіліп жатқанын нақтылады.

Оқи отырыңыз:

Блогер Қайсар Камза қамауға алынғаны туралы ақпараттан кейін Вьетнамнан видео жариялады

Трамптың ұлдары Қазақстанда вольфрам өндіруге қатысты ірі мәміле жасасты