Ақмола облысында 221 млн теңге табысқа кенелген заңсыз вейп саудасы тоқтатылды

Ақмола облысы бойынша Қаржылық мониторинг агенттігі департаменті прокуратураның үйлестіруімен электронды тұтыну жүйелерін (вейптер), хош иістендіргіштер мен оларға арналған сұйықтықтарды заңсыз сатумен айналысқан қылмыстық топтың қызметін тоқтатты, деп хабарлайды Orda.kz.       

Өнімдерді өткізу үшін әлеуметтік желілердегі онлайн-дүкендер пайдаланылып, жеткізу курьерлік тәсілмен жүзеге асырылған.

Құқыққа қарсы әрекеттерін жасыру мақсатында топ мүшелері түрлі конспирация шараларын қолданған, оның ішінде ақшаны қабылдау және қолма-қол ақшаға айналдыру үшін дропперлер пайдаланылған.

Қылмыстық табыс көлемі 221 миллион теңгеден асты.

 Сот санкциясымен күдіктілердің пәтері мен автокөлігіне тыйым салынды.

Ұйымдастырушы қамауға алынды.

Тергеу жалғасуда. ҚР ҚПК-нің 201-бабына сәйкес өзге ақпарат жария етуге жатпайды.

Айта кету керек, жыл басынан бері Қаржылық мониторинг агенттігі вейптерді заңсыз сату фактілері бойынша 12 сотқа дейінгі тергеп-тексеруді бастаған.

Заңсыз айналымнан 717 мың дана өнім тәркіленді.

ҚМА  вейп қолдану, әсіресе жасөспірімдер мен жастар арасында, никотинге тәуелділіктің дамуына әкелетінін ескертті. Никотин жүрек-қантамыр және жүйке жүйесіне әсер етіп, созылмалы аурулардың даму қаупін арттырады.

Оқи отырыңыз:

• Алматыда 180 мың вейп тәркіленді: Іс сотқа жолданды
• ҚМА: 78 жәбірленуші қаржы пирамидасына 110 млн теңге салған
• «Халық заңгері»: дипфейктер Қаржылық мониторинг агенттігіне де қол салды