Әкімдіктегі тілсіз жау: Ақтөбе облысының әкімі мәлімдеме жасады

Ақтөбе облысының әкімі Асхат Шахаров әкімдік ғимаратындағы өрттен кейін қызметкерлер еркін кестеде жұмыс істейтінін айтты, деп хабарлайды Orda.kz. 

Асхат Шахаров өртті сөндіру кезінде журналистердің сұрақтарына жауап берді.

Әкімнің сөзінше, оқиғаның мән-жайын анықтайтын тергеу тобы құрылған. Ал бүгін әкімдік еркін кестеде жұмыс істейді. 

Әкім өртті сөндіруге 140-тан астам қызметкер және шамамен 80 бірлік техника жұмылдырылғанын мәлімдеді. Тілсіз жау 300 шаршы метр аумақты шарпыған. Өрттің шығу себебі анықталып жатыр. 

Тілсіз жаудың беті қайтқан соң Асхат Шахаров төтенше жағдайлар бойынша жедел штабтың шұғыл отырысын өткізді. 

Жиында облыс әкімдігі ғимаратының шатырындағы өртке байланысты жағдай қаралды. Жиынға ТЖД,  полиция департаменті және өзге де басқарма басшылары қатысты. 

Облыс әкімі әкімдік аумағындағы қауіпсіздік шараларын күшейтуді, салдары толық жойылғанға дейін өрт сөндіру және жедел қызметтердің тәулік бойы кезекшілігін ұйымдастыруды, сондай-ақ өрттің шығу себебін анықтау үшін мамандарды тарта отырып жан-жақты тексеру жүргізуді тапсырды.

Айта кетейік, кеше, 7 сәуірде Ақтөбе қаласы, Әбілқайыр хан даңғылында орналасқан 6 қабатты әкімшілік ғимараттың шатыры өртенді. 

Оқи отырыңыз:

• ИРСК соққыны үдетті: Нысанаға АҚШ-тың серіктестері алынды
• Трамп Иран өркениеті «жойылуы» мүмкін екенін тағы мәлімдеді
• Такер Карлсон: «Сен кімсің, Трамп? Өзіңді Құдаймын деп ойлайсың ба?»