ӘЧ-2026: Алғашқы екі аптада турнирге 3,6 миллион көрермен келіп, рекорд жаңартты

Ләззат Нұрсапақызы
cover Фото: inform.kz

2026 жылғы футболдан әлем чемпионаты көрермен саны бойынша абсолюттік рекорд орнатты. Турнирдің алғашқы екі аптасында матчтарды 3,6 миллион адам тамашалады, деп хабарлайды Orda.kz.       

Бұған дейінгі рекорд 32 жыл бойы сақталып келген. Ол 1994 жылы АҚШ-та өткен әлем чемпионатында тіркеліп, жарысқа 3 587 538 көрермен қатысқан болатын. Жаңа рекорд Германия – Эквадор және Кот-д’Ивуар – Кюрасао құрамалары арасындағы бір мезгілде өткен екі матчтан кейін жаңарып, жалпы көрермен саны 3 605 357 адамға жетті.

Бұл рекордқа турнирдің 32 құрамадан 48 құрамаға дейін кеңейтілуі айтарлықтай әсер етті. Соның нәтижесінде топтық кезеңдегі матчтар саны артып, плей-офф кезеңіне қосымша айналым енгізілді.

Сонымен қатар, АҚШ-тағы стадиондардың сыйымдылығы да бұрынғы әлем чемпионаттарындағы ареналардың басым бөлігінен жоғары. Мысалы, 2022 жылы Катарда өткен әлем чемпионатында стадиондардың көпшілігі шамамен 45 мың көрерменге ғана есептелген еді.

Турнир 19 шілде күні Нью-Джерсиде өтетін финалдық матчпен аяқталады. Сондықтан бұл рекордтың әлі де жаңара түсуі әбден мүмкін.

Оқи отырыңыз:

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері