Абзал Әжіғалиев пен Денис Никиша Олимпиада ойындарының ширек финалына жолдама алды

Милан қаласында ұйымдастырылған XXV қысқы Олимпиада аясында шорт-тректен ерлер арасындағы 500 метр қашықтық бойынша іріктеу кезеңі аяқталды. Қазақстан құрамасының қос өкілі де келесі айналымға сәтті өтті, деп хабарлайды Orda.kz.      

Әлем кубогы кезеңдері мен Азия ойындарының чемпионы Әжіғалиев өз тобында алдына жан салмай, мәре сызығын бірінші болып кесіп, ширек финалға тікелей шықты. Ал әлем чемпионатының екі мәрте күміс жүлдегері, Азия ойындарының жеңімпазы және Олимпиаданың ашылу рәсімінде ел туын ұстаған Никиша өз жарысында үшінші орын алғанымен, уақыт көрсеткіші арқылы келесі кезеңге өтті.

Айта кетейік, бұл дода — қос спортшының мансабындағы төртінші Олимпиадасы. Ширек финалдан басталатын шешуші бәсекелер 18-інен 19 ақпанға қараған түні өтеді.

Оқи отырыңыз:

• Мемлекет басшысы кәсіби сумо балуаны Ерсін Балтағұлды қабылдап, ІІ дәрежелі «Барыс» орденімен марапаттады
• «Ордабасы» футбол клубы жекеменшікке өтті: Шымкенттік клубты кім сатып алды?
• «Отаныма разымын»: Шайдоров Қазақстан халқына ризашылығын білдірді