Абай облысында жүргізушіге ескерту жасаған шекарашыны ұрып кетті

Абай облысында жүргізушіге ескерту жасаған шекарашы үйінің жанында соққыға жығылып, сот шығарған үкімге келіспеген күдіктілер шағым түсіріп, іс барысын кассациялық сот қарады, деп хабарлайды Orda.kz.      

Сот бұл әрекетті кек алу деп танып, шабуылды өмірге қауіпті деп бағалады. Кассациялық сот Абай облысы Үржар ауданы бойынша шекара басқармасы қызметкеріне жасалған шабуыл ісі бойынша екі ер адамға қатысты үкімді күшінде қалдырды.

Сот мәліметінше, 2023 жылғы 1 қыркүйекте шекарашы қызмет барысында жүк көлігі жүргізушісі тарапынан әкімшілік құқық бұзушылықты анықтап, ескерту жасаған.

Сол түні жүргізуші тағы бір ер адаммен бірге ішіп алып,  әдейі қызметкердің үйіне келген. Оны сыртқа шығарып, ұра бастаған. Жәбірленуші қашуға тырысқанда, шабуылдаушылар оны қуып жетіп, тепкілеп тастаған. Нәтижесінде шекарашының жағы мен мұрыны сынған. Кейін ол бірнеше рет стационарлық ем қабылдап, ота жасатқан.

Сондай-ақ сот күш қолданудың өмірге қауіптілігі тек салдарының ауырлығымен ғана емес, шабуыл жасаушылардың әрекетімен де анықталатынын көрсетті. Өмірлік маңызды ағзаларға соққы беру және  қашуға тырысқан жәбірленуші қуып жүріп ұру – денсаулыққа жеңіл зиян келтірілген жағдайда да өмірге нақты қауіп төнгенін білдіреді.

Кассациялық сот құқықтық бағаны дұрыс әрі  жаза әділ деп таныды.

Оқи отырыңыз:

• Абай облысында күйеуін құтқарамын деп адам өлтірген әйел бостандыққа шықты
• Абай облысында екі ер адам «Газельде» түнеп, иіс тиіп көз жұмды
• Абай облысындағы «Семей орманы» алқабы тағы да отқа оранды