Абай облысында екі ер адам «Газельде» түнеп, иіс тиіп көз жұмды

Қайғылы оқиға кеше Семей қаласынан шыға берісте, жанармай құю бекетінің маңында болған. Бұл туралы ақпарат қалалық пабликтердің бірінде жарияланды. Мәліметке сәйкес, екі ер адам көліктің ішінде ұйықтап қалған, алайда иіс тиіп, қайтыс болған, деп хабарлайды Orda.kz.  

Абай облыстық полиция департаменті Семей қаласының шетінде «Газель» маркалы автокөліктің ішінде тіршілік белгілері жоқ екі адамның табылғанын растады. Оқиға орнына полиция қызметкерлері мен жедел қызмет өкілдері дереу жеткен. Болжам бойынша, салонда автономды жылыту құрылғысы пайдаланылған.

Алдын ала деректерге сәйкес, марқұмдар қозғалтқышы қосулы әрі ішінен жабық тұрған көлікте болған. Зорлық-зомбылық белгілері анықталмаған. Ер адамдардың өлімінің алдын ала себебі – көміртек тотығынан улану.

Қазіргі уақытта аталған факті бойынша тексеру жүргізіліп жатыр. Оның нәтижесі бойынша процессуалдық шешім қабылданады.

Абай облыстық полиция департаменті азаматтарды көлік құралдарын пайдалану кезінде, әсіресе жабық немесе нашар желдетілетін орындарда, қауіпсіздік шараларын қатаң сақтауға шақырды.

Оқи отырыңыз:

• Иран жаңа Жоғарғы көшбасшы сайлау туралы мәлімдеме жасады
• Тоқаев конькимен жүгіруші Кристина Шумекованы әлемнің абсолютті чемпионы атануымен құттықтады
• Air Astana 4 наурызға дейін Таяу Шығыс елдеріне барлық тұрақты рейстерін тоқтатты