+50°C дейінгі ыстық пен қуаңшылық: Шілдеде Қазақстанның көп бөлігіне аптап ыстық болады

Қазақстанның көптеген өңірлері үшін шілде айы ауыр болмақ,  синоптиктер бірден құрғақшылық пен аса қатты аптап ыстық туралы ескертті, деп хабарлайды Orda.kz.       

«Қазгидромет» болжамына сәйкес, елдің тоғыз облысында жауын-шашын тапшылығы күтіледі.

Атап айтқанда, Павлодар, Қарағанды, Шығыс Қазақстан, Абай, Алматы, Жамбыл, Түркістан, Қызылорда және Жетісу облыстарының жекелеген аудандары қауіп аймағында тұр.

Оған қоса, жағдайды қатты ыстық одан әрі күрделендіреді.

Солтүстік және шығыс өңірлерде ауа температурасы +43°C-қа дейін көтерілуі мүмкін, ал орталық, батыс және оңтүстік-шығыс аймақтарда +48°C-қа дейін жетеді. 

Оңтүстікте термометр бағаны кей жерлерде +50°C-ты көрсетуі ықтимал.

Сонымен бірге, елімізде ауа райы әртүрлі болады. Кей өңірлер аптап ыстық пен құрғақшылықтан қиналса, солтүстікте нөсер жаңбыр, найзағай және ауа температурасының күрт ауытқуы күтіледі.

Синоптиктер кейбір аймақтарда бір тәулікте айлық норманың жауын-шашыны түсуі мүмкін екенін ескертеді. Оңтүстік-шығыстың таулы аймақтарында бұршақ жаууы да ықтимал.

Оқи отырыңыз:

• Аптап ыстық адамзатқа климаттық апат қаупін төндіреді
• Түркістан облысында күре жолдың бетон жабындысы көтеріліп кетті. Аптап ыстық себеп пе?
•  Биылғы аптап ыстық Еуропаның электр жүйесін теңселтті