Түркістан облысында күре жолдың бетон жабындысы көтеріліп кетті. Аптап ыстық себеп пе?

Шымкент — Өзбекстан шекарасы бағытындағы автожолда цемент-бетон жабындысында ақау анықталды. Алдын ала мәлімет бойынша, бұған өңірдегі аптап ыстық себер болуы мүмкін, деп хабарлайды Orda.kz.

Мәселе 23 маусым күні цемент-бетон жабындысы бар республикалық жол учаскелерін тексеру кезінде анықталған. «Қазгидромет» дерегіне сәйкес, сейсенбі күні Түркістан облысында ауа температурасы +40 градусқа дейін көтерілген.

«Аптап ыстық жағдайында цемент-бетон жабындысы жоғары температуралық жүктемеге ұшырайды, плиталар кеңейеді, бұл кейбір учаскелерде жергілікті деформацияларға әкелуі мүмкін»,  деп түсіндірді «ҚазАвтоЖол» компаниясы. 

Қазіргі уақытта жолдың бұл бөлігінде уақытша жол белгілері орнатылып, жөндеу жұмыстары жүргізіліп жатыр, арнайы техника жұмылдырылған.

Компания жүргізушілерден уақытша белгілер талаптарын сақтауды, жөндеу аймағында жылдамдықты төмендетуді және арақашықтықты ұстануды сұрайды.

Еске салсақ, мамыр айында мемлекеттік қызметте 18 қылмыстық іс тіркеліп, жол сапасына қатысты 77 шенеунік жазаланғанын жазған едік.ҚР ҰҚК Павлодар облысы бойынша департаментінің мәліметінше, 2025 жылы аймақта 14 қылмыстық іс тіркелсе, биылғы жылдың басынан бері тағы төртеуі қосылған.

Оқи отырыңыз:

• Ақылы жол тарифтерінің есептері ашық көрсетіледі
• «Жол сапасына 20 мың шағым»: 6 триллион жұмсалған Қазақстан жолдарының сапасы
• Мемлекеттік қызметте 18 қылмыстық іс тіркеліп, жол сапасына қатысты 77 шенеунік жазаланды