254 адам өліп, эпидемия жариялаған Конгоға Эбола вирусымен күресу үшін Қытай мыңдаған дәрігерін жіберді
Фото: www.mfa.gov.cn
Қытай Сыртқы істер министрлігінің мәліметінше, Африка тұрғындарымен бірге қытайлық мыңдаған медицина қызметкері Эбола індетімен күресіп жатыр, деп хабарлайды Orda.kz.
Эбола безгегі өршігеннен кейін Қытай Демократиялық Конго Республикасына (ДРК) және Африка одағына шұғыл гуманитарлық көмек көрсетті. Сондай-ақ Қытай өлімге әкелетін қауіпті вируспен күресу үшін қажетті дәрі-дәрмек пен эпидемияға қарсы құралдармен жабдықталған арнайы медициналық сарапшылар тобын ДРК-ға жіберді.
Қазіргі таңда шамамен мыңдаған медицина қызметкері африкалықтармен бірге Эболаға қарсы күрес жүргізуде. Бұл туралы ҚХР Сыртқы істер министрлігінің ресми өкілі Го Цзякунь дүйсенбі күні өткен кезекті баспасөз мәслихатында мәлімдеді.
Қытай дипломатының айтуынша, Қытай мен Африка елдері әрқашан ортақ тағдыр біріктірген серіктес болып, қиындықтарды бірге еңсеріп келеді. Қытай ұзақ жылдар бойы Африкаға Эбола індетімен күресте тұрақты түрде қолдау көрсетіп келеді.
«Біз ДРК мен Угандадағы эпидемиологиялық жағдайдың дамуын мұқият бақылап отырмыз. 2 маусым күні ДРК астанасы Киншасаға келген қытайлық медициналық сарапшылар тобы бірден жұмысқа кірісті. Олар ДРК денсаулық сақтау органдарымен тығыз байланыс орнатып, індеттің алдын алу және онымен күрес шараларын үйлестіріп, медициналық көмек пен кеңестер беруде. Бұл жұмыс барлық тараптың жоғары бағасына ие болды», — деді Го Цзякунь.
Дипломаттың сөзінше, індеттің күрделі жағдайын ескере отырып, Қытай үкіметі ДРК, Уганда және Африка одағына қосымша шұғыл гуманитарлық көмек көрсету туралы шешім қабылдады.
Қытай жағы бұдан әрі де халықаралық қауымдастықпен бірге індеттің дамуын жіті бақылап, Африка елдерінің қажеттілігіне қарай қолдан келген көмекті көрсетуді жалғастырады. Бұл шаралар індетті мүмкіндігінше тезірек жеңуге бағытталған.
Оқи отырыңыз:
Жаңалықтар
- Көкшетауда жаяу жүргіншіні қағып өлтірген әйелдің жазасы кейінге қалдырылды
- Қазақстандағы айыппұл саясаты: «Айыппұлстан» деген сөзге қатысты Ержан Сәденов өз көзқарасын білдірді
- 254 адам өліп, эпидемия жариялаған Конгоға Эбола вирусымен күресу үшін Қытай мыңдаған дәрігерін жіберді
- Астанада 224 жер учаскесі мемлекет қажетіне алынады
- Қытай АҚШ-тың 56 компаниясына қарсы сауда шектеулерін енгізді
- Қандай пост, пікір, репост үшін 20 жыл түрме беріледі? Прокуратура қазақстандықтарға ескерту жасады
- Жасанды интеллект және цифрлық даму вице-министрі болып Ғиззат Байтұрсынов тағайындалды
- Президент елдегі жарылысқа байланысты Катар Әміріне көңіл айту жеделхатын жолдады
- Мемлекет басшысы Брюссельге ресми сапары барысында отандастармен кездесті
- Әл-Фарабидегі апат: Сот Пакты 10 жылға бас бостандығынан айырды
- Bloomberg — Ормуз бұғазы арқылы өтетін Иран мұнайы экспорты ең жоғары деңгейге жетті
- Ақтөбе облысында 102 адам мейрамханадағы астан уланып, ауруханаға түсті
- Қазақстан ұлттық құрамасының бас бапкері Талғат Байсуфинов қызметінен кетті
- Ұлыбритания премьер-министрі Кир Стармер қызметінен кететінін мәлімдеді
- Пак сотта соңғы сөзін айтты: «Саяси ықпалды тұлғаға қатысым жоқ»
- «Ақша үшін емес»: Томиристің анасы Пакты не үшін кешіргенін айтса, әкесі 100 млн теңге талап етті
- Кедендік рәсімдерді жеделдету үшін заңсыз делдалдық қызмет көрсететіндер ұсталды
- 368 млн теңгенің плиткасы: Павлодарда скверді жөндеу сметасынан күмәнді шығын шықты
- ІІМ дрон операторларын оқытып, әуеден әрекет етуге дайындайды
- Әл-Фарабидегі апат: Прокурор Пакқа 10 жылға бас бостандығынан айыру жазасын сұрады
