Құрбан айттың құрметіне — 27 мамыр демалыс күні

2026 жылдың мамыр айының соңында қазақстандықтарды қосымша демалыс күні күтеді. Құрбан айт мерекесіне байланысты 27 мамыр (сәрсенбі) – ресми түрде демалыс күні болады, деп хабарлайды Orda.kz.       

Қазақстан мұсылмандары діни басқармасы (ҚМДБ) күнтізбесіне сәйкес, 2026 жылы Құрбан айт 27–29 мамыр аралығына тура келіп тұр.

Бес күндік жұмыс аптасында жұмыс және демалыс тәртібі мынадай болады:

• 25–26 мамыр – жұмыс күндері;
• 27 мамыр – Құрбан айтқа байланысты демалыс;
• 28–29 мамыр – жұмыс күндері;
• 30–31 мамыр – әдеттегі демалыс күндері.

Алты күндік жұмыс аптасы бойынша 27 мамыр мерекелік демалыс күні болып саналады.

Еске салсақ,  былтыр Құрбан айт күніне байланысты түсініспеушілік болған еді. Алғашында ҚМДБ мерекені 17 маусымға белгілеп, дүйсенбі күні демалыс болады деп жоспарланған. Алайда кейін күн 16 маусымға (жексенбіге) ауыстырылып, қосымша демалыс алынып тасталған.

Құрбан айт – исламдағы ең маңызды мерекелердің бірі. Ол Рамазан айынан кейін 70 күн өткен соң атап өтіледі.

Мереке айт намазынан басталып, құрбан шалу рәсімімен жалғасады. Құрбандық еті отбасы мүшелеріне, туыстарға, көршілерге және мұқтаж жандарға таратылады. Бұл күндері адамдар бір-біріне қонаққа барып, қайырымдылық жасауға ерекше көңіл бөледі.

Сонымен қатар 31 мамыр – Саяси қуғын-сүргін және ашаршылық құрбандарын еске алу күні екенін еске саламыз.

Оқи отырыңыз:

• АҚШ-та авиашоу кезінде екі әскери жойғыш әуеде соқтығысты
• БАӘ аумағына дрондар шабуыл жасады: Олардың бірі атом электр станциясы маңына түскен
• Тағы бір ресейлік азамат ХҚКО-да шу шығарды