БАӘ аумағына дрондар шабуыл жасады: Олардың бірі атом электр станциясы маңына түскен

Біріккен Араб Әмірліктері соңғы тәулікте елге шабуыл жасаған үш дронның қайдан ұшырылғанын анықтап жатқанын мәлімдеді, деп хабарлаған Orda.kz. 

БАӘ Қорғаныс министрлігінің хабарлауынша, барлық ұшқышсыз ұшақ ел аумағына батыс шекара бағытынан кірген. Екі дрон әуеде жойылған. Алайда үшінші аппарат Әбу-Дабидегі  «Барака» атом электр станциясынан тыс орналасқан электр генераторына соғылған. Салдарынан өрт шыққан.

МАГАТЭ жағдайды бақылап отырғанын хабарлады. Әмірлік билігі радиациялық қауіп жоқ екенін және станция қалыпты режимде жұмысын жалғастырып жатқанын айтты.

Әзірге Әбу-Даби шабуыл үшін нақты бір елді айыптаған жоқ. Бірақ оқиға АҚШ пен Иран арасындағы соғысты тоқтату жөніндегі келіссөздер тоқырауға тірелген тұста болды. Сауд Арабиясы БАӘ-ге жасалған шабуылды айыптап, бұл Таяу Шығыстағы тұрақтылыққа қауіп төндіретінін мәлімдеді.

Соңғы айларда Парсы шығанағындағы жағдай күрт шиеленісіп кетті. Әсіресе Ормуз бұғазы төңірегіндегі дағдарыстан кейін Иран мен АҚШ одақтастары арасындағы текетірес жаңа деңгейге шыққан.

Оқи отрыңыз:

• Түрмеде жатып бизнес жасап, бостандықтағы азаматтардың қалтасын қаққан адамға жаза қосылды
• Астанадағы LRT пойыздарының жолда «тұрып қалған» себебі белгілі болды