Зумерлер революциясы: Непалда алғаш рет премьер-министр әйел адам болды

Непалдың Жоғарғы сотының бұрынғы төрайымы Сушила Карки елдегі жаппай наразылықтар салдарынан үкімет отставкаға кеткеннен кейін уақытша премьер-министр болып тағайындалды, деп хабарлайды Orda.kz.       

Непал билігі Facebook, Instagram, YouTube, X, Reddit және LinkedIn сияқты ірі әлеуметтік желілерді жергілікті министрлікте тіркелмегені үшін бұғаттады. Бұл елдегі жастардың ызасына тиіп, наразылық танытуына себеп болды. 1995–2012 жылдар аралығында туған жастар өздерінің көтерілістерін «Зумерлер революциясы» деп атады.

73 жастағы Карки қысқа рәсім барысында ант беріп, Непал үкіметін басқарған алғашқы әйел атанды. Ол Z ұрпағының студенттік қозғалысы көшбасшыларының қолдауына ие болды және «таза беделге ие саясаткер» ретінде танымал.

Наразылыққа шыққан «Z ұрпақ» қашып, өзенге секірген қаржы министрі Бишну Прасад Пауделдің артынан қуды. Наразы халық алдымен министрді ұрып-соғып, киімдерін шешіп, жол бойымен сүйреген.

Тіпті наразы халық Шарма Олидің жұбайы, елдің сыртқы істер министрі Арзу Рана Деубаны ұрып-соғып, үйіне қамап, өртеп жіберді.

Сол күні парламент таратылды. Ел президенті Рам Чандра Паудел жаңа сайлау 2026 жылғы 5 наурызда өтетінін жариялады. Алдағы күндері Карки уақытша министрлер кабинетінің құрамын жасақтауы тиіс.