Непалда наразылыққа шыққан халық қиратқан көшелерін өздері жинап жатыр

Непалда 4 қыркүйек күні кейбір әлеуметтік желілерге тыйым салынғаннан кейін жаппай наразылық болды. 25 жасқа дейінгі жастар ақыры дегеніне жетіп, көтеріліс тоқтады, деп хабарлайды Orda.kz. 

Непал билігі Facebook, Instagram, YouTube, X, Reddit және LinkedIn сияқты ірі әлеуметтік желілерді жергілікті министрлікте тіркелмегені үшін бұғаттады. Бұл елдегі жастардың ызасына тиіп, наразылық танытуына себеп болды. 1995–2012 жылдар аралығында туған жастар өздерінің көтерілістерін «Зумерлер революциясы» деп атады. Олар Непал президентінің Катмандудағы резиденциясын, министрлер мен саясаткерлердің бірнеше резиденциясын өртеп тастады. Билікке тиесілі ғимараттар қирады. 

Көтеріліс нәтижесінде премьер-министр Шарма Оли қызметінен кетті. Наразы халық Шарма Олидің жұбайы, елдің сыртқы істер министрі Арзу Рана Деубаны ұрып-соғып, үйіне қамап, өртеп жіберді. 

Нәтижесінде, жастардың талабы қаралып, әлеуметтік желілерге кіруге рұқсат берілді. Кейбір дереккөздерде көтерілістің тағы бір себебі жұмыссыздық пен тұрмыс жағдайының нашарлығы екені айтылып жатыр. 

Дегеніне жеткен Непал жастары өздері қиратып, шашып кеткен көшелерді қайтадан жинап, бұрынғы қалпына келтіріп жатыр.

Айта кетейік, Непалда наразы халық өзенмен жалаңаш қашқан министрдің артынан қуған еді.