Зорлық-зомбылықтан зардап шеккен балаларға көмек кабинеттері ашылады

Қазақстанда зорлық-зомбылықтан зардап шеккен балаларға көмек көрсетуге қатысты заң 2 наурыздан бастап күшіне енеді. Жақын уақытта аталған кабинет қызметін реттейтін ережелер бекітіледі, содан кейін оларды еліміздің өңірлерінде кезең-кезеңімен ашу жоспарланып отыр, деп хабарлайды Orda.kz оқу-ағарту министрлігіне сілтеп.

Балалар барлық қажетті қызметті бір жерден алады, яғни онда психологиялық кеңес беруден бастап сот-медициналық сараптамаға дейін толық қамтылған. Бұл олардың қайта күйзеліске ұшырауының алдын алады.

Министрлік зорлық-зомбылыққа, буллингке немесе қатыгез қарым-қатынасқа тап болған балаларды анықтау және қорғау шараларын әзірледі.

Енді білім беру ұйымдары зорлық-зомбылық фактілері туралы полицияға уақтылы хабарлауға, құқық бұзушылықтардың алдын алу жұмыстарын жүргізуге және оқушыларға психологиялық-педагогикалық қолдау көрсетуге міндетті.

Оқи отырыңыз:

• Еліміздің мектептерінде зорлық-зомбылыққа қарсы жаңа сабақ пайда болды
• Жамбыл облысындағы мектептегі буллинг: Балалар құрбан болып жатыр, жауаптылар оны жасырып әлек
• Кәмелеттік жасқа толмаған Алматы облысының тұрғыны 12 жастағы қызды зорлады деген күдікке ілінді