Жүргізуші куәлігінсіз мас болып көлік тізгіндеген елордалық судья айыппұлмен құтылды

Астана соты судья Әсел Досаеваға мас кезінде жүргізуші куәлігінсіз көлік басқарғаны үшін айыппұл салды. Оқиға 2025 жылдың 1 қарашаға қараған түні болған еді, деп хабарлайды Orda.kz. 

Судьяның куәлігінің жарамдылық мерзімі 3 шілдеде аяқталған. Сонымен қатар, сараптама оның ішімдік ішкенін көрсеткен. 

Алайда, Досаева шақыртуға қарамастан сот отырысына келмеген. Ол полицияны алдын ала хабардар етіп, хаттаманы өз қатысуынсыз рәсімдеуді сұраған.

Нәтижесінде сот Досаеваның ӘҚБтК-нің 608-бабының 8-бөлігін бұзғанын анықтады. Судьяның 14 жасқа толмаған баласы болғандықтан, оған әкімшілік қамау қолданылмады. Оның орнына сот 200 АЕК мөлшерінде (786 400 теңге) айыппұл тағайындады.

Айта кетейік, Атырау облысының полициясы Жангелдин ауылындағы ерлі-зайыптыны өлтірді деген күдікпен марқұмдардың күйеу баласына ресми түрде іздеу жариялады.