Жыр болған Мәсімовтің үйін ешкім сатып алар емес

Мемлекетке опасыздық жасағаны үшін сотталған Кәрім Мәсімовтің үйін бағаны көтеру бойынша өткен аукционда осымен екінші рет ешкім сатып алмады, деп хабарлайды Orda.kz.

Бұл туралы электрондық сауда алаңының бүгінгі деректерінде жарияланды. Лоттың бастапқы бағасы өзгеріссіз қалды — 1,8 млрд теңге, кепілдік жарна 117,9 млн теңге болды. Алғашқы аукцион да өткізілмеген еді.  

Күні кеше ғана бұқаралық ақпарат құралдарында кәсіпкер Мұхтар Жәкішевтің  аукционға дейін Кәрім Мәсімовтің үйін сатып алуға келіскені туралы мәліметтер пайда болды. Үйді бастапқы сауда шарттарына қарамастан сатып алуға келісім жасалғаны айтылды. Алайда, қайтарылған активтерді басқару компаниясы бұл ақпаратты жоққа шығарды, ал Жәкішев мұндай жоспары жоқ екенін мәлімдеді.