Жылжымайтын мүлікке арналған техникалық паспорт онлайн рәсімделеді

Қазақстанда жылжымайтын мүлікке арналған техникалық паспорт жаңа тәртіппен беріледі. 1 маусымнан бастап жылжымайтын мүлікке техникалық паспорт рәсімдеу және кадастрлық паспорттың көшірмесін алу тек онлайн форматта жүзеге асады, деп хабарлайды Orda.kz 

Бұл туралы «Ұлттық ақпараттық технологиялар» АҚ мәлімдеді. Қызмет ақысын өтінім беру кезінде бірден төлеуге болады, ал дайын құжат электронды форматта ұсынылады.

Бұған дейін бұл қызметті алу үшін ХҚКО-ға бару қажет болса, енді барлық процесс толықтай онлайн жүйеге көшірілді. Қызмет көрсету мерзімі жылжымайтын мүлік нысанының түріне байланысты болады.

Компания сондай-ақ техникалық паспортты eGov mobile қосымшасы арқылы рәсімдеуге болатынын еске салды. Ал онлайн қызметті пайдалана алмайтын азаматтар үшін ХҚКО-ларда өзіне-өзі қызмет көрсету аймақтары сақталады.

Оқи отырыңыз:

• ХҚКО-лардың қызметі азайып, бәрі онлайн форматқа өтіп жатыр
• Енді ХҚКО-дан құжаттарды постамат арқылы кез келген уақытта алуға болады
• Автокөлік нөміріне онлайн қалай өтініш беруге болады?