Журналист Әсем Жәпішева 15 күнге қамалды

Сот журналист Әсем Жәпішеваны 15 күнге қамады, деп хабарлайды Orda.kz. 

Ол бүгін, 20 қаңтар күні Алматыда Qaznews24 сатиралық паблигінің авторы Темірлан Еңсебекке қолдау білдіріп, «Сатира – қылмыс емес» деген жазуы бар плакат ұстап пикетке шыққан еді.

Алайда журналисті Жәпішеваны полиция алып кетіп, 15 күнге қамады. Журналистке «Бейбіт жиын өткізу тәртібін бұзды» (488-бап) деген айып тағылған. Жәпішева сот шешіміне келіспейді. Адвокат Ғалым Нұрпейісов апелляциялық шағым түсіретінін мәлімдеді. 

Еске салайық, 17 қаңтар күні QazNews24 қоғамдық парақшасының әкімшісі 2 айға қамалды. Кеше, 19 қаңтар күні журналист әрі Art of Her журналының бұрынғы бас редакторы Руслан Бикетов жалғыз өзі пикетке шыққан еді. Оны да полиция алып кетіп, 15 күнге қамады.