Жоқ малға субсидия алған: 3 миллиард теңгеден астам залал келтірген 15 адам сотталды

Қостанай қаласында мемлекеттік субсидияларды жымқырып, қаражатты заңдастырған қылмыстық топқа үкім шықты, деп хабарлайды Orda.kz. 

ҚМА мәліметінше, «Beef Export Group» ЖШС басшысы Пархоменко жетекшілік еткен қылмыстық топ субсидияларды заңсыз алу схемасын ұйымдастырған. Оларға ауыл шаруашылығы басқармасының лауазымды тұлғалары, сондай-ақ аудандық деңгейдегі ауыл шаруашылығы тауар өндірушілері мен мал дәрігерлері көмектескен. 

Күдіктілер ірі қара малды сатып алу және оны қайта өңдеу туралы құжаттарды жалған рәсімдеген. Нәтижесінде агроөнеркәсіптік кешенді дамытуға арналған мемлекеттік бағдарлама аясында жүйелі түрде субсидия алып отырған.

Қылмысқа заңдылық енгізу үшін жалған бухгалтерлік құжаттар рәсімделіп, олардың негізінде субсидия алуға қайта өтінімдер берілген. Нәтижесінде мемлекетке 3 млрд теңгеден астам залал келтірілді.

Сот үкімімен ұйымдастырушы Пархоменко А.Г. 14 жылға бас бостандығынан айырылды.

Қылмыстық топтың 14 қатысушысына 6 жылдан 10 жылға дейін бас бостандығынан айыру жазасы тағайындалды.

Оқи отырыңыз:

• Қостанай тұрғынының пәтерінен атыс қаруы мен оқ-дәрілер табылды
• Қостанай әуежайында қона алмаған ұшақ Астанаға қайта ұшып кетті
• Қостанай облысында интернет-алаяқтарға SIM-карталарын қосып беріп отырған тұрғын ұсталды