Қостанай әуежайында қона алмаған ұшақ Астанаға қайта ұшып кетті

Астанадан Қостанайға бағыт алған ұшақ қона алмай, амалсыз қайтадан елордаға ұшып кетті, деп хабарлайды Orda.kz.

Қостанайда қалың қар жауып, қонатын жер көрінбегендіктен ұшақ белгіленген қаласына қона алмады. Әуе кемесі мәжбүрлі түрде қайтадан елордаға ұшып кетті.

«FS7341 рейсінің жолаушыларына ыстық тамақ пен сусындар берілді. Ал FS7342 рейсінің жолаушыларына қалауы бойынша қонақүйге орналастыру ұйымдастырылып жатыр», деп мәлімдеді әуе компаниясы.

Еске сала кетейік, 31 қазан күні Алматы қаласы әкімдігінде үшінші рет ондаған ата-ана мен белсенді жиналды. Олар Бостандық ауданындағы жаңа №224 мектеп тек қазақ тілінде білім беретін оқу орны болуы керек деген талап қойды. Orda.kz тілшісі әкімдіктегі жағдайды бақылап, ата-аналардың пікірін тыңдап қайтты.