«Жоқ адамға айлық берген»: «Бөкейорда» табиғи резерватының директоры қамалды

Экология және табиғи ресурстар министрлігі Орман шаруашылығы және жануарлар дүниесі комитетінің «Бөкейорда» мемлекеттік табиғи резерваты» РММ-нің бас директорына қатысты қылмыстық іс тергеліп жатыр. Ол қызметте жоқ адамға ақша төлеп, бюджет қаржысын жымқырған деген күдікке ілінді, деп хабарлайды Orda.kz. 

Бас директор резерватта жұмыс істемейтін адамға  заңсыз жалақы тағайындап отырған. Осы арқылы ірі мөлшерде бюджет қаражатын жымқырды деген күдікке ілінді. Күдікті сот санкциясымен қамауға алынды.

Қазіргі уақытта бас директордың басқа қылмыстарға қатысы тексеріліп жатыр. 

Еске салайық, Orda.kz бұған дейін «Алтын Орда» базарының экс-басшыларына қайта халықаралық іздеу жариялағанын жазған еді.