Нұрлан Сабуров мәлімдеме жасады

Стендап-комик Нұрлан Сабуров елге оралғаннан кейін алғаш рет көпшілік алдында мәлімдеме жасады, деп хабарлайды Orda.kz.

Сонымен қатар ол Instagram әлеуметтік желісіндегі барлық жазбаларын толықтай өшірген. Өз үндеуінде Сабуров жағдайға қатысты пікір білдіруден бас тартатынын айтты. 

«Қалыптасқан жағдайды түсіндірмеймін. Бұл сұрақпен заңгерлер айналысады, олар барлық құзырлы органмен жұмыс істеп жатыр», – деді ол.

Комик өзінің шығармашылық жолы шамамен 15 жыл бұрын Екатеринбург қаласында басталғанын, кейін Мәскеуде жалғасқанын атап өтті. 

«Шығармашылық дамуға мүмкіндік берген, әртіс ретінде қалыптасуыма жол ашқан елге алғысым шексіз. Ресейде де, одан тыс жерлерде де көпұлтты үлкен аудитория жинадым. Баршаңызға рақмет» деп жазды Сабуров.

Сондай-ақ ол журналистерге, блогерлерге және БАҚ өкілдеріне жеке өміріне құрметпен қарауды сұрады.

«Отбасымның, әйелім мен балаларымның, ата-анам мен жақындарымның жеке өміріне құрмет танытуларыңызды өтінемін», – деді ол.

Еске сала кетейік, 7 ақпанда Orda.kz тілшілері Нұрлан Сабуровты әуежайдан қарсы алды.

Оқи отырыңыз:

• Нұрлан Сабуров 50 жыл Ресейге кіре алмайды
• Әзілкеш Нұрлан Сабуров Ресейде миграциялық заңды бұзды деген күдікпен ұсталды
• БАҚ-та Нұрлан Сабуровтың шетелдегі жылжымайтын мүліктері туралы ақпарат таралып жатыр