Жезқазғанда «Шерзат ісіне» ұқсас қылмыстық іс қайта қаралып жатыр

Жезқазғанда Медет Исламды өлтірген ұйымдасқан қылмыстық топтың ісі Ұлытау облыстық сотында қайта қарала бастады. Марқұмның туыстары қылмысқа қатысы бар барлық қатысушыларды жазалауды талап етіп, бұл істің «Шерзат ісіне» ұқсастығы туралы мәлімдеген еді, деп хабарлайды Orda.kz. 

Жантүршігерлік қылмыс 2023 жылы 13 қыркүйекте болған. Жезқазған қаласының орталығында 35 жастағы Медет Исламды бес жерден пышақтап кетті. Ол оқиға орнында көз жұмды. Бұл іске Жезқазғанда «Арнатовтықтар» деген атпен танылған ұйымдасқан қылмыстық топтың 12 мүшесінің қатысы бар. Бір жыл тергеу жүргізілгеннен кейін, 2024 жылдың қазан айында сот алдында 5 адам ғана жауап берді. Алайда сот шешімімен 3 адам жеңіл жазаға тартылды. Тағы үшеуі сот залында босатылса, қалған алтауы мүлдем жазаға тартылмаған. Сот шешімімен келіспеген марқұмның туыстары Алматыда баспасөз мәслихатын ұйымдастырды. Бұл туралы тілшіміз дайындаған материалдан оқи аласыз. 

Мамыр айында бас прокурор Берік Асылов қоғамда резонанс тудырған қанды қылмысты жасағандарға шыққан үкімге наразылық білдірді. Нәтижесінде Жоғарғы сот екі жыл бұрын шығарылған негізсіз жеңіл үкімнің күшін жойды.

Прокурор соттағы жарыссөзде айыпталушыларды 15 жылдан 18 жылға дейін бас бостандығынан айыруды сұрады.

Айта кетейік, мемлекеттік айыптаушы Алматы әуежайында шу шығарған ер адамды 10 жыл 6 айға соттауды сұрады.